HEADLINES:
August 20 2018
'கரீப் ரத்' எக்ஸ்பிரஸ் கட்டணம் உயரும்?
16 July 2018

புதுடில்லி:ஏழைகளுக்கான, 'கரீப் ரத் எக்ஸ்பிரஸ்' ரயில் பயணக் கட்டணத்தில், படுக்கைகளுக்கான புதிய வாடகை சேர்க்கப்பட உள்ளதால், கட்டணம் உயரும் அபாயம் ஏற்பட்டுள்ளது.

ரயில்வே மூத்த அதிகாரிகள் கூறியதாவது:கரீப் ரத் எக்ஸ்பிரஸ் ரயிலில், 'பெட் - ரோல்' எனப்படும், சுருட்டக்கூடிய படுக்கைகளுக்கான கட்டணம், 12 ஆண்டுகளுக்கு முன், 25 ரூபாயாக 
நிர்ணயிக்கப்பட்டது. பிற ரயில்களிலும், இதற்கு, பழைய கட்டணமே வசூலிக்கப்படுகிறது.

பெட் - ரோல்கள் மற்றும் பெட்ஷீட்டுகளின் விலை, அவற்றை சுத்தம் செய்து பராமரிப்பதற்கான செலவு உயர்ந்துள்ளது.இது தொடர்பாக ஆய்வு செய்த, சி.ஏ.ஜி., எனப்படும் மத்திய தணிக்கை அதிகாரி, 'பல ஆண்டுகளாக, கரீப் ரத் எக்ஸ்பிரஸ் ரயில் கட்டணம் உயர்த்தப்படாதது ஏன்' என, கேள்வி எழுப்பினார்.

மேலும், பெட் - ரோல் மற்றும் பெட்ஷீட்டுகளுக்கான செலவினங்களையும், ரயில் பயண 
கட்டணத்தில் சேர்க்கும்படி பரிந்துரைத்துள்ளார்.இதை கருத்தில் வைத்து, கரீப் ரத் எக்ஸ்பிரஸ் ரயில் கட்டணத்தை உயர்த்துவது குறித்து பரிசீலிக்கப்பட்டு வருகிறது. புதிய கட்டணத்தில், பெட்- ரோல், பெட்ஷீட்டுகள் போன்றவற்றுக்கான செலவினங்களும் சேர்க்கப்படும்.இவ்வாறு அவர்கள் கூறினர்.

ரயில்களில், 'ஏசி' பெட்டிகளில், பெட் - ரோல் மற்றும் பெட்ஷீட்டுகள் வழங்கப்பட்டு வருவது குறிப்பிடத்தக்கது.கரீப் ரத் எக்ஸ்பிரஸ் மற்றும் துரந்தோ ரயில்களில், ரயில் பயண டிக்கெட்டுடன், பெட் - ரோலுக்கான கட்டணத்தையும் செலுத்தி, அவற்றை பெற்றுக் கொள்ளலாம்.

 

 

Related Stories