HEADLINES:
May 23 2018
காவிரி வாரியம்: அதிமுக உண்ணாவிரதம்
03 April 2018

சென்னை: காவிரி மேலாண்மை வாரியத்தை உடனடியாக அமைக்க வலியுறுத்தியும், அதனை அமைக்காத மத்திய அரசை கண்டித்தும் தமிழகம் மற்றும் புதுச்சேரியில் அதிமுகவினர் உண்ணாவிரத போராட்டம் நடத்தினர். சென்னையில், முதல்வர், துணை முதல்வர் மற்றும் நிர்வாகிகள் கலந்து கொண்டனர்.

'காவிரி மேலாண்மை வாரியத்தை ஆறு வாரத்திற்குள் அமைக்க வேண்டும்' என சுப்ரீம் கோர்ட் பிறப்பித்த உத்தரவை மத்திய அரசு பின்பற்றவில்லை. இதனால், மத்திய பா.ஜ., அரசு மீது முதல்வர் பழனிசாமி தலைமையிலான, அ.தி.மு.க., அரசு உச்ச நீதிமன்றத்தில் அவமதிப்பு வழக்கு தொடர்ந்து உள்ளது. அதேநேரத்தில் உச்சநீதிமன்ற தீர்ப்பில் கூறப்பட்டுள்ள 'ஸ்கீம்' என்ற வார்த்தைக்கு விளக்கம் கேட்டும், காவிரி மேலாண்மை வாரியம் அமைக்க மூன்று மாதம் அவகாசம் கோரியும் மத்திய அரசும் மனுத்தாக்கல் செய்துள்ளது.

இந்நிலையில் மத்திய அரசை கண்டித்தும், வாரியத்தை உடனடியாக அமைக்க வலியுறுத்தியும் அ.தி.மு.க., சார்பில் தமிழகம் முழுவதும் இன்று உண்ணாவிரத போராட்டம் நடத்தப்படுகிறது. சென்னையில் நடக்கும் போராட்டத்தில் முதல்வர் பழனிசாமி, துணை முதல்வர் ஓ.பன்னீர்செல்வம் அமைச்சர் ஜெயக்குமார் உள்ளிட்ட நிர்வாகிகள் கலந்து கொண்டனர்.

நாமக்கல்லில் அமைச்சர் தங்கமணி, மதுரையில் செல்லூர் ராஜூ, உதயகுமார், கோவையில் அமைச்சர் வேலுமணி திருப்பூரில் உடுமலை ராதாகிருஷ்ணன், ஈரோட்டில் அமைச்சர் செங்கோட்டையன் திருவாரூர் காமராஜ், கடலூர் எம்சி சம்பத், தஞ்சாவூரில் துரைக்கண்ணு, சிவகாசியில் ராஜேந்திர பாலாஜி, நாமக்கல்லில் தங்கமணி, சரோஜா, திருவண்ணாமலையில் சேவூர் ராமச்சந்திரன், திருவள்ளூரில் பெஞ்சமின், திண்டுக்கல்லில் சீனிவாசன் தலைமையில் போராட்டம் நடக்கிறது. திருச்சியில் கே.பி.முனுசாமி, புதுச்சேரியில் மாநில செயலர் புருசோத்தமன் தலைமையில் உண்ணாவிரத போராட்டம் நடந்தது.

 

 

Related Stories