HEADLINES:
July 17 2018
வங்கி மோசடி : 15 நகரங்களில் அமலாக்கத்துறை சோதனை
19 February 2018

புதுடில்லி : பஞ்சாப் நேஷனல் வங்கியில் நடந்த ரூ.11,300 கோடி மோசடி விவகாரம் தொடர்பாக வைர வியாபாரி நீரவ் மோடிக்கு தொடர்புடைய 15 நகரங்களில் அமலாக்கத்துறையினர் அதிரடி சோதனை நடத்தி வருகின்றனர்.

நீரட் மோடியின் வியாபார கூட்டாளியான மெகுல் சோக்சி உள்ளிட்ட முதலீட்டாளர்களின் பெயர்களின் இயங்கும் 200 போலி கம்பெனிகள், பினாமி சொத்துக்கள் ஆகியவை குறித்தும் அமலாக்கத்துறை விசாரித்து வருகிறது. இது தவிர இந்த மோசடி மூலம் வங்கி அதிகாரிகள் வாங்கிய சொத்துக்கள், அவர்களின் முதலீடுகள் குறித்து சிபிஐ.,யும் தனியாக விசாரணை நடத்தி வருகிறது.

இதுவரை பொதுத்துறை வங்கி அதிகாரிகள் 11 பேரிடம் சிபிஐ விசாரித்துள்ளதாகவும், இவர்களில் சிலர் பொது மேலாளர்கள் எனவும் சிபிஐ வட்டார தகவல்கள் தெரிவிக்கின்றன. இவர்களில் ஷெட்டி மற்றும் கரத் ஆகியோர் கடந்த 5 முதல் 6 ஆண்டுகளில் தங்கள் குடும்பத்தினர்கள் பெயர்களில் செய்துள்ள முதலீடுகள், வாங்கிய சொத்துக்கள், அதற்காக செலவிடப்பட்ட பணம் குறித்த விபரங்களை சிபிஐ சேகரித்துள்ளதாக கூறப்படுகிறது. 

கடந்த 5 நாட்களாக அமலாக்கத்துறை நடத்திய சோதனையில் ரூ.20 கோடி மதிப்பிலான தங்கம் மற்றும் வைரங்களும், 12 க்கும் மேற்பட்ட அசையா சொத்துக்களுக்கா ஆவணங்களும் கைப்பற்றப்பட்டுள்ளது. டில்லி, பெங்களூரு, சென்னை, ஆமதாபாத் உள்ளிட்ட நகரங்களில் பல்வேறு இடங்களில் நடத்தப்பட்ட சோதனையில் கோடி கணக்கில் தங்கம் மற்றும் வைரம் கைப்பற்றப்பட்டதாக கூறப்படுகிறது.

 

 

 

Related Stories


First        1  2  3  4  5  6  7  8  9  10  11       Next        Last